दमक, २०८२ साउन ३ गते –विनोद थापा विद्रोही 

दमक नगरपालिका–१, फाल्गुनन्द चोकस्थित एनआइसी एसिया बैंक भवनमा ‘संस्कृति भान्सा घर’को हिजो एक भव्य समारोहबीच उद्घाटन गरिएको छ।

भान्सा घरका संचालकहरू विपिन सुवेदी, विनाद भराई, विशाल पौडेल र प्रकाश शाह रहेको यो रेस्टुरेन्टले स्थानीय स्वादमा आधारित अर्गानिक खाना, नास्ता, चिया र कफिलाई मुख्य विशेषता बनाएको छ। उद्घाटन कार्यक्रममा दमक उद्योग वाणिज्य संघका कार्यकारिणी अध्यक्ष गोपाल गुगाई प्रमुख अतिथिको रूपमा सहभागी थिए।

संचालक विशाल पौडेलका अनुसार, “स्वस्थ, स्वादिलो र सुलभ मूल्यमा खानाको सुविधा उपलब्ध गराउनु हाम्रो मुख्य उद्देश्य हो। हामीले ग्राहकहरूको स्वास्थ्यलाई ध्यानमा राख्दै रासायनिकरहित, ताजा र अर्गानिक सामग्री प्रयोग गर्ने प्रतिबद्धता लिएका छौं।”

‘संस्कृति भान्सा घर’ दमकवासी तथा आगन्तुकहरूका लागि अब स्वस्थ जीवनशैलीसंगै स्वादको अनुभव दिने नयाँ गन्तव्य बन्ने अपेक्षा गरिएको छ।