दशैं–तिहार र छैठ पर्व २०८२ को पावन अवसरमा चुलाचुकी गा.पा.कि  उपाध्यक्षको शुभकामना!!

आदरणीय चुलाचुलीवासी दाजुभाइ दिदीबहिनीहरू, देश–विदेशमा रहनु भएका सम्पूर्ण नेपालीहरूलाई बडा दशैं, शुभ दिपावली (तिहार) र पवित्र छैठ पर्वको हार्दिक मंगलमय शुभकामना व्यक्त गर्दछु ।

हाम्रो मौलिक संस्कृतिको सुगन्ध बोकेका यी महान् पर्वहरू केवल धर्म–कर्मका अनुष्ठान मात्र होइनन्, नेपाली समाजलाई एकताको सूत्रमा गाँस्ने साझा उत्सव हुन् । दुर्गा देवीले असत्यमाथि सत्यको विजय गरेको स्मृतिदिन बडा दशैंले न्याय र साहसको सन्देश दिन्छ । दिपावली अर्थात् तिहारले भाइ–बहिनीबीचको अमूल्य माया र देवी लक्ष्मीप्रतिको आस्था उजागर गर्छ भने छैठ पर्व सूर्यदेवको आराधनाद्वारा प्रकृति, स्वास्थ्य र समृद्धिप्रति कृतज्ञताको प्रतिविम्ब हो ।

यी पर्वले गाउँघरको हर्षोल्लासदेखि विदेशमा परेका नेपालीको मनसम्म एउटै भावनाको उज्यालो फैलाउँछन् । यही उज्यालोले हाम्रो सामाजिक मेलमिलाप, सहिष्णुता र आपसी सद्भावलाई अझ सबल बनाउँछ, जसको संरक्षण हाम्रो सामूहिक जिम्मेवारी हो ।

पर्वको रौनकमा रमाउँदा स्वास्थ्य र अनुशासनलाई पनि समान महत्त्व दिऊँ । अत्यधिक मासु, बोसोयुक्त खानेकुरा, जाँड–रक्सी वा हानिकारक पदार्थको सेवनबाट टाढा रहौँ, ताकि उत्सवको खुशी दीर्घकालीन स्वास्थ्यसहित टिकून् ।

चुलाचुली गाउँपालिकाको उपाध्यक्षको हैसियतमा म सबै नागरिकलाई यो अवसरमा अझ बढी आपसी माया, सहयोग र मिलेमतोको भावनामा एक–अर्कालाई साथ दिँदै हाम्रो गाउँपालिकालाई समृद्ध, शिक्षित र आत्मनिर्भर बनाउन हातेमालो गर्न हार्दिक अनुरोध गर्दछु ।

दशैं–तिहार र छैठको उज्यालोले हाम्रा घर–परिवारमा शान्ति, स्वास्थ्य, समृद्धि र आपसी सद्भावको प्रकाश ल्याओस् भन्ने कामना गर्दछु ।

दिलकुमारी लावती
उपाध्यक्ष
चुलाचुली गाउँपालिका, इलाम